Community Health Plan ee Washington waxay u fidisaa laba barnaamij xubnaha Medicare si ay u dhameystiraan qiimeynta caafimaadka sanadlaha ah. Ujeedada barnaamijyadan ayaa ah in laga caawiyo xubnaha inay wax badan ka bartaan caafimaadkooda isla markaana ay siiyaan barnaamijyo, adeegyo iyo macluumaad si ugu wanaagsan loogu daboolo baahidooda.

Mid ka mid ah barnaamijyadani waa qiimeyn caafimaad oo sanadle ah. Tani waa ra'yi ururin markii ugu horreysay lagu bixiyo taleefanka. Haddii aanaan ku heli karin xubin taleefanka xog-ururin ayaa lagu diraa boosta. Waxaa nalooga baahan yahay inaan xubnaha u soo bandhigno sahankan sannad kasta oo aan ku dadaalno intii karaankeenna ah si aan u fududeyno qaadashada sahanku. Ka dib markaan dhameyno sahanka waxaan u dirnaa macluumaad xubin kasta oo ku saleysan jawaabahooda.

Barnaamij kale oo aan siinno xubnaha waa qiimeynta caafimaadka gudaha. Barnaamijkan kalkaaliye caafimaad ayaa aadi doonta guriga xubinta si ay ugala hadasho taariikhda caafimaadka iyo wixii walaac caafimaad ama xaalado ah. Kalkaalisadu waxay sidoo kale u gudbin doontaa xubnaha barnaamijyada ama bixiyeyaasha kale ee daryeelka caafimaadka. Waxaan lashaqeyneynaa Matrix Medical Network si aan ubixino barnaamijkaan waxayna la xiriiraan xubnaha uqalma si ay usameeyaan booqashooyinka

Xubnaha waxay dooran karaan inay kaqeybqaataan barnaamijyadan markii lala xiriiro. Xubnaha looma baahna inay sidaa yeelaan. Barnaamijyadani ma beddelayaan inaad u aragto dhakhtarkaaga si joogto ah daryeel wanaagsan ama markaad walaac caafimaad ka qabto. Waa muhiim inaad xiriir wanaagsan la yeelato dhakhtarkaaga oo aad la wadaagto macluumaadka ku saabsan taariikhdaada caafimaad iyo wax kasta oo aad ka baran karto barnaamijyadan dheeriga ah.